Fakt One Cloud • B2B

Politika e Privatësisë

Kjo politikë shpjegon si Fakt One (“ne”) përpunon të dhënat kur biznesi juaj (“Klienti”) përdor shërbimin tonë cloud për dorëzim dokumentesh, komunikim dhe përgatitje raportesh. Ne veprojmë kryesisht si Përpunues i të Dhënave (processor) dhe Klienti është Kontrolluesi i të Dhënave (controller). Përpunimi bëhet vetëm sipas kontratës dhe udhëzimeve të Klientit.

Çfarë të dhënash përpunojmë

Të dhëna llogarie (emër biznesi, NIPT/ID, kontaktet e përdoruesve).
Loge teknike (IP, pajisje, data/ora hyrjeve, evente gabimesh) për siguri dhe performancë.
Përmbajtje që ngarkon Klienti (p.sh. fatura, ekstrakte, kontrata, dokumente kontabiliteti). Përmbajtja mbetet pronë e Klientit.

Qëllimet e përpunimit

Ofrimi i shërbimit cloud: ruajtje skedarësh, menaxhim versionesh, komente/komunikim.
Shpejtimi i fluksit të punës dhe informimit për projektet e Klientit.
Përgatitja/kompilimi i raporteve kontabiliteti dhe dokumentacionit mbështetës, vetëm sipas udhëzimit të Klientit.
Siguria, auditimi teknik, parandalimi i abuzimeve dhe detyrimet ligjore.

Baza ligjore

Kontratë me Klientin; interes legjitim për siguri/operim; detyrim ligjor kur aplikohet. Për çdo cookie jo-thelbësore përdorim pëlqimin.

Ndarja & nën-përpunuesit

Nuk shesim apo licencojmë të dhënat. Mund të përdorim nën-përpunues (p.sh. hostim, email transaksional), të cilët përzgjedhen me kujdes dhe janë të detyruar me kontrata për konfidencialitet dhe siguri. Lista jepet me kontratë ose me kërkesë te info@ata-bk.com.

Ruajtja & fshirja

Të dhënat ruhen për aq kohë sa zgjat kontrata dhe sipas afateve ligjore të kontabilitetit. Pas mbylljes, i kthejmë ose i fshijmë sipas udhëzimit të Klientit. Kopjet rezervë fshihen periodikisht.

Siguria

HTTPS/TLS, enkriptim “at-rest” aty ku është e mundur, kontrolle roli/lejesh.
Backups, monitorim, regjistrim hyrjesh, izolim mjedisesh.
Qasje vetëm nga personel i autorizuar sipas parimit të “minimumit të nevojshëm”.

Të drejtat e subjekteve

Për akses, korrigjim, fshirje, kufizim, portabilitet ose kundërshtim (GDPR), kontaktoni fillimisht Kontolluesin (Klientin). Si Përpunues, ne ndihmojmë Klientin të përgjigjet ndaj kërkesave.

Përmbajtja e ngarkuar nga Klienti

Përmbajtja që ngarkohet është përgjegjësi e plotë e Klientit: ligjshmëria, saktësia dhe e drejta e përdorimit. Ne e përpunojmë për qëllimet e mësipërme dhe nuk mbajmë përgjegjësi për përmbajtje të paligjshme ose të pasaktë.

Juridiksioni & kontakti

Juridiksioni: Republika e Kosovës. Kontakt: info@ata-bk.com. Kjo është përmbledhje informative; versioni kontraktual prevalon.